|
pag. 29
El dì se
presentava gnente male
anca se la fumara
matutina
ai siè la ghe
ronpea on fià le bale;
3
fata la spesa e
assà zo la trina,
se parte ala
volta di'a baraca
che quatro ghea
za visto na matina. 6
Intanto, Lelo
tira na saraca
sentiendo che'l
programa jera fato
par nantre oto
ore: "Porca Vaca..."
9
infati s'ea
deciso, e scrito l'ato,
de fare el
Cansilio par roesso,
che anca staltri
du i ghe fà stato.
12
Tomaso 'l chieta
Lelo, 'l dise: " 'desso
a 'ndemo farse na
sotografia
so che la busa 'ndo
che te ghe messo
15
al fresco el culo
e la bataria...,
el Bus del Giass,
on posto strordinario! ".
Leonardo dise
nantra litania. 18
guai a fare incazare Lelo...
Fata la strada
che so sto lunario
a ghemo za vu
modo de contare,
rivà de su,
sgranà cofà on rosario,
21
i va de fuga 'ndo
che xe st'afare
che i du Daniele
no ghea gnanca visto;
i perde tenpo par
maravejare
24
so chel luogo
che, calche poro cristo,
zent'ani fa ga
doparà par frigo.
"Dai, partiemo, a
me so rosto 'l bisto",
27
4 - la trina = la popò e la pipì
5 - baraca = la baraca del Sauc
2 - staltri du = i du Daniele
19 - fata la strada... = dal Sauc ala sbara del Bus del Giass
(v.primo
giro, prime pagine)
24 - maravejare = fare maraveje
pag. 30
recita intanto 'l
nostro caro amigo,
cussì se parte
verso la casera
d'i fromajari
muti. Xe caligo.
3
La strada la xe
bela, na guantiera
de jara messa
ben, on salissendi
ch'i nostri siè
fà tuto de cariera.
6
"Se va par qua,
no so se te m'intendi "
ghe dise 'l
Mestro a Renzo, che'l credea
de ver za visto
'l posto: "Te me ofendi,
9
go leto sto
cartelo, chi'a porzea,
co' semo sta qua
zo de primo achito".
Par no tacar
barufa, i ga l'idea
12
de 'ndare zo a
sinistra, so chel sito
che solo Renzo
ghea za vu ocasion
de védare (almanco
'l ghe ga dito).
15
Naturalmente i ga
fato dietrofron,
parché 'l
falcheto, mago del'antena,
el ghea confuso
le bale col balon.
18
In
mezo, Renzo che le ciapa...
Provà l'erore,
sentenzià la pena
co quatro
crognolade sola testa,
i parte oncora,
dandoghe de lena,
21
parché ormai de
strada ghe resta
on par de
salitele senza storia.
A mezodì, i riva
par la festa 24
sol capanon d'i
muti: na baldoria.
Ricota fumegà,
fromajo a fete,
vinelo rosso par
finire in gloria 27
2 - la casera = la casera dei Scioss
4 - na guantiera = on vassoio, na spianada
8 - Renzo, che'l credea... = Renzo el credea de vere za visto on
rifujo...
11 - de primo achito = el primo dì (ma no jera vero)
17 - ..'l facheto, mago dele antene = Renzo
pag.
31
ga fato assàre al
zaino le robete
che la matina i
ghea conprà in botega.
A xe restà
incartà parfin 'e barete.
3
Adesso bisognava
darghe 'a tega
al resto dela
strada che portava
al passo La
Crosetta. "Che te frega",
6
a sbota on
Daniele, che'l spuzava
de vinarelo
rosso, 'fà na bota,
" domanda s'i ne
porta on fià de fava...".
9
Rivare al passo -
strada tuta rota -
ghe ga volesto
tenpo: on inferno
de su e zo
malguajo, senpre in quota,
12
finio, po', co 'n
disseson eterno.
Insieme co la
sfalto riva 'l sole,
d'acordo, dal dì
prima, col governo.
15
sole
galantomo, governo ladro
La bela ziera fà
finire 'e gnole
cussì la trupa,
oramai riunia,
la entra sol
Cansilio, che'l ghe vuole !.
18
La xe na maraveja
mai finia,
tanti "Che
posto!.." diti senpre in coro,
"Sto luogo xe 'l
pì belo che ghe sia !...".
21
3 - barete = barete energetiche, roba da magnare al posto del pan
4 - darghe 'a tega = darghe 'a bota, fare su, afrontare
6 - passo La Crosetta = in basso, rispeto a noantri, a m. 1.021 slm
in
Comune de Caneva
16 - bela ziera = bel tenpo
16 - gnole = lagnanze
pag.
32
Passare par de lì
l'è sta on ristoro,
na specie de
massajo pa' 'l zarvelo,
na roba da pagare
a peso d'oro,
3
on fato da
contare col penelo,
na esperienza
unica, davero,
come passare na
stimana in zielo... 6
I ga vu modo de
fotografare,
vardando tuti
insieme, par incanto,
na piantajon de
fajo secolare
9
che assava
conparire, ogni tanto,
la piana del
Cansilio: na distesa
de erba spanpanà
da calche Santo.
12
Mez'ora de
silenzio, come in cesa,
e dopo su, par na
salita sfalto,
i nostri riva,
senza tanta spesa,
15
ala caserma e da
lì, pì 'n alto,
al posto atrezà
co na panchina
da dove che se
vede, 'fà da on spalto,
18
tuta la piana,
come so 'a cartina.
Dopo nantro toco
de sentieroto
i assa el sterato
par na china
21
apena disegnà,
col fondo roto,
pien de raise,
salti, buse e piere,
adato solo a fare
on rumegoto.
24
El porta, senza
falo, a 'e do casere
dove che ghe xe
posto par la supa.
Anca si 'e xe
sarà, ghe sbate 'e pere...
27
4 - contare col penelo = disegnare, fare on quadro
16 - caserma = la Candaglia, caserma dela Forestale
18 - spalto = tribuna, pulpito
21 - china = dissesa
25 - do casere = le case dela malga Ceresera
|