pag. 1  pag. 2  pag. 3  pag. 4  pag. 5  pag. 6  pag. 7  pag. 8                sara tuto

                                                    - Signora, i  FRIGNOLI saìo 'ndo chi xe?
                                                    - Ma certo, fillioli, a ve'l dighe me,
                                                    risponde na sposa magnando on panin;
                                                    e lì la ghe spiega, bevendo del vin.
 

                                          A no xe sta fadiga scumiziare,
                                          anzi, ocore proprio precisare,
                                          che l'è sta on supion ciapare 'l sentiero.
                                          Ma proprio lì a ga tacà el pensiero.
 

                                L'informatore càncaro de turno
                                ghe dà la drita justa, sto maurno:
                                - Hai voglia: arrivare ai FRIGNOLI
                                sarà come mangiare dei fagioli.
 

           - Cioè?, domanda el Mestro incuriosio...        Frignoli xe famoso par l'orto botanico
           - Ma sì, signore, ve lo dico io:                        de montagna pì grande de l'Italia!
           si scende per di qua, è una boiata,
           già ieri una ruspa c'è passata...  

           El zielo inuvolisse, ma n'inporta,
           ai quatro no la pole 'ndarghe storta:
           co on sujerimento tanto s-ceto
           i rivarà a FRIGNOLI int'on passeto.
 

                                Ma 'ndando in zo ghe xe vegnù paura:
                                la jera na dissesa bela e dura,
                                però no la portava in nessun posto.
                                I ghea fato i cunti senza l'osto!                         

                                         
                                          I xe rivà a FRIGNOLI, xe sicuro,
                                          ma solo par aver davanti on muro
                                          de russe che scondea parfin 'e ruine
                                          de do o tre casete contadine.
 

                                                     Col fero vecio in spala i torna indrio
                                                     par dirghe a chel vecio insemenio
                                                     che le so informazion, bruto buelo,
                                                     el farìa ben butarle sol bujelo...
                                                                                                                                                                                
           Rivà in salvo, in vista di'a statale
           i quatro cavalieri armà ...de bale,
           vedendo in alto el tenpo tanbarare
           i dise in coro: - Qua bison' canbiare!
 

                                - A so sicuro, xe qua na tormenta,
                                sentenzia Oscar, cussita 'l s'inventa
                                de far na corsa par fare in maniera
                                de essar bon de falare 'a bufera.
 

                                          Gnente da fare: col ton che rognava,
                                          arquanti lanpi che Dio li mandava,
                                          do nuvolaze ghe ga sconto 'l monte
                                          i ga dovesto restar soto on ponte.
                               

                                                    Co chel tranbusto no i ghea fato caso
                                                    che dal contejo mancava Tomaso.
                                                    - Cossa xe sta, dove sito, conparee?,
                                                    ghe ziga el Mestro. - So drio foraree...

                                                   Robe da mati. Ma dopo mez'ora
                                                   co 'n tenporale drio l'altro dessora,
                                                   i quatro eroi decide la rima:
                                                   - Tornemo indrio par la strada de prima!
 

                                          Dal dito al fato, inpirà i capauèi
                                          e missi in testa capuci e capei
                                          i s'a introdà, senza fare na piega,
                                          soto l'aqua, pa'l sentiero in roega.
 

                                Pena in salita, cofà par magia
                                el tenporale el ciapa e 'l va via;
                                quelo che, inveze, el ronpe oncora
                                el xe Tomaso: - Forà, chia malora...
 

           Justà la roa, ringraziando el Signore,       Terza esercitazion dela jornata
           fin che chel'altri magnava le more,            de canbio camardaria. A gratis.
           el bon Tomaso s'a fato la crose:
           galo pregà o biastemà soto ose?...
 

                                El tenporale ghea bagnà chel tanto
                                che tuta 'a mulatiera, diosanto,
                                la jera deventà, questa xe bela,
                                sete chilometri de paltanela.
                                                                         

                                          Bela, però, pa' i nostri curiduri,
                                          abituà da senpre a fare i duri
                                          in tute le ocasion che se presenta:
                                          anca se 'ndando basso i se resenta.
 

                                Chela dissesa lì no jera in conto,
                                ma sarìa sta pecà molarghe on ponto,
                                cussì i xe 'nda basso ...digo solo
                                praticamente a rota de colo.
 

                                          Renzo li ga spetà a robe fate,
                                          tuti conosse le so pelegate,
                                          e Tomaso xe sta costreto, inveze,
                                          al solito in dissesa a far scareze.
 

                                A ga volesto poco pì de gnente
                                rivare a Comano, fra la zente:
                                e lì, fata la docia ale magagne,
                                i ghe ga messo i oci so le asagne.                                               

                                            ...Se ghemo godesto come i mati!             torna su...