pag. 1  pag. 2  pag. 3  pag. 4  pag. 5  pag. 6  pag. 7  pag. 8            sara tuto

TERZO DI'

                                                                        MERCORE, 3 SETENBRE 1997

    COMANO - SASSALBO - COMANO

    GIRAVOLTE A CACIA DE SENTIERI  

                                                       INFORMAZION TENICHE:                                     

                                                     Ora de partenza:         10.00
                                                     Ore de sela:                4.43.12                                      
                                                     Chilometri fati:            35,3
                                                     Velocità de media:      8,9
                                                     Velocità pì forte:          48,3
                                                     Ora de arivo:               18.05                                    

                                            
           Oncuò, che 'l dì xe on poco manco belo,
           i ga on programa da indrizare 'l pelo:
           i va fin a SASSALBO drio la rota        ....l'unica strada COMANO-SASSALBO
           tornando indrio, par darghe nantra bota,
 

                                par chel sterato cargo de tavani
                                però in dissesa, bruti fioi de cani...
                                Renzo aprova,  e pien de alegria
                                confessa a tola ...che' l la ga tardia!
 

                                                         Dopo marenda vien, però, on fato:
                                                         Tomasin, sto candaloca ingrato,
Mezo paese assiste                    el tira fora nantra canarina:
ala riparazion in strada...           - Tusi, go roto la me bicicretina...
 

                                                               Forà de drio: par la prima volta
                                                               el nostro eroe, guai se 'l me scolta,
                                                               el tira zo (credio ca zavària?)
                                                               elo solo, la prima camardària...

                 Porcaria interna de Renzo, prima del spurgo....          

           Anca el Mestro, par farghe conpagnia,
           e par far scuola de alta stratejia,
           el tira basso la so roa davanti
           senza uciai, senza cavarse i guanti...
 

                                Mez'ora, e anca, par la riparazion
                                ga mandà in vaca l'organizazion
                                cussì, par via, la giunta ga deciso                               
                                che ala sorte cogna far bon viso.     
                         
                                     - Tornemo indrio, dise quel di'e carte,
                                                 no par Arlìa, ma par nantra parte;
                                                 - anca parché xe qua on tenporale
                                                 e no vorìa che 'l ronpesse 'e bale!
          

                                                     Co calma, scumizià na bela strada                                    
                                                     i decide de darghe na vardada
                                                     a on grupeto de case int'el bosco
                                                     so chia costa del'Apenino Tosco.
                                                                                                                                         

           Le jera zinque, e tute in ruina,        El posto se ciama Scanderaruola.
           tre, quatro grande, una picenina
           ormai sbandonà, ma bele che mai:
           - Qua sì, ch'i sta ben, de fora dai fai...                        

                                         I quatro, comossi, i taca 'ndar su                     
                                          pentando in salita, vizin du par du.
                                          L'è on àmolo duro, roba da mati,
                                          ma i rànpega in suso mejo d'i gati.
 

                                                                El Mestro davanti, ormai condanà
                                                                co' Osca' a la roa, tegnizo e sgamà,
                                                                seguìo da Renzo co calma de aciaio
                                                                e po' Tomasin, che'l sara el passajo.
 

                                                                           La lota xe dura, anca i tornanti.
                                                                          Tomaso 'l se prova 'ndare davanti:
                                                                          gnente da fare, i tri xe on portento;
                                                                          elo, paraltro, el xe on fià pì lento...

                                                                          El sole va via, po' el torna fora.
                                                                          - Me sa che chi piove 'n manco de on'ora,
                                                                          a dise 'l profeta (che par mistiero
                                                                          al nostro paese fa 'l paruchiero);
 

                                                                nissuni lo scolta e intanto i va su,
           El sterato se inesta in veta        fermandose in veta a farghe cucù
           al M. Marinella co' la strada       a tuta 'a salita chi ga desgranà
           fata el dì prima da Arlia              e ala dissesa che i speta pi 'n là.
 

                                          SASSALBO xe in vista delà de on curvon
                                          che i nostri afronta in sela al leon;
                                          i magna on bocon davanti la cesa
                                          co 'n can che se cuca metà di'a spesa.

           Intanto el ton el rumega in zielo;            
           no piove, ma 'l tenpo no l'è pì belo,
           cussì la conbricola decide lì
           de fare pì curto el giro del dì.                                                                    Torna su...