sara tuto
pag.
1 pag. 2 pag. 3
pag. 4 pag. 5
pag. 6 pag. 7
pag. 8
sara tuto
SECONDO DI'
MARTI, 2 SETENBRE 1997
A 'NDEMO A FIVIZZANO, PO' TORNEMO INDRIO FIN A
CAMPORAGHENA: NA FOLA...
INFORMAZION TENICHE:
Ore de sela:
5.05.00
Chilometri fati:
45,5
Velocità de media:
8,8
Velocità pì forte:
62
Ora de arivo:
18.45
A ghemo la fortuna che ne juta:
el cielo xe
celeste, l'aria suta;
el giro xe
za pronto, basta 'ndare,
però, prima
bisogna becolare...
Tomaso xe rajante, stamatina
parché el ga dormio 'fà na galina.
e staltri tri sojeti del quarteto
par diese ore i ga ronfà sol leto.
Dopo magnà le supe, monta in sela
quatro cao-boi co' in testa na gamela,
direti so la via de FIVIZZANO:
partenza, come jeri, da COMANO.
el
sterato se vedea dala
La pista la va su in costa al monte
tola,
fin ca magnavino
e pare che sia duro farghe fronte,
in
albergo...
ma
i quatro cavalieri senza macia
i xe de quili che varda el lovo in facia...
Xe vero, la salita - on bel sterato -
la tira su de bruto pa' on bel trato,
però la roba che ghe salta al'ocio
xe quela che sarà on bel pastrocio.
Za dopo on par de curve taca el Mestro,
che 'l jera on fià in avanti pien de estro,
a remenarse in sela: - Gheto el morbin?
a ghe ràdega Tomaso lì vizin.
Na sberla par culata, una in
facia,
on zigo de dolore, po' na macia
de sangue rosso vivo so na ganba.
- Cossa sarala mai, sta moda stranba?
a sbota Osca,
indrio, ma anca elo
el taca a
darse sberle col capelo.
Insoma, int'on
minuto i vien assalii
da mile e pì
tavani incarognii
...
e mile volte stramaledii
che assa el segno rosso di 'a puntura
in ogni
parte dela creatura
che la ga vu
l'idea de passare
...quando
che ili jera drio becare.
La festa ga durà fin ala veta
e guai a 'ndare zo da 'a bicicreta:
becuni e po' becuni e po' becuni.
La xe finia co mile tavaruni.
Da lì rivare a ARLIA,
la so meta,
xe sta come montare in bicicreta:
se buta su na ganba e la xe fata,
basta no star sentà so na culata.
El paeseto jera pien de zente:
tri muli, on musso, on vecio
co 'n dente,
on bocia - uno solo - in montanbai,
so nona e dele ...torte da cavai.
No 'i ga gnan conquistà el canpanile,
a nome dela
Lega, e po' el porzile
parché la
vecia che tegnea le ciave
La bandiera verde
ghe jera:
la ghea
paura che croesse i trave.
la tenda da sole so na porta...
Da lì a FIVIZZANO
l'è sta on supion:
on mucio de dissesa, on saliton
de 'sfalto, però gnente strade rote.
Xe sta na bela rotura de balote!
Catà i ufici - dopo la fontana -
tanto
fumo e poco 'rosto...
de la "Local Comunità Montana"
i s'a fermà a rognare, pa' i sentieri
che no se cata , come quel de jeri!
- E' vero, sì, ma il posto è tanto grande...
Tomaso el gavaria cavà 'e mudande
a chela tosa che, co tanto sesto,
la se intendea ca 'ndessino via presto.
Catà la strada, co dele indicazion,
pa 'ndare in basso seguendo on carezon,
essendo l'ora che'l stomego protesta
i s'a fermà par revoltare 'a zesta.
...pastasuta
solo ala sera
La torta co l'ueta xe on portento:
na feta val oncora pì de zento
panini col parsuto, o banane.
I magna quela e po' i ghe da le cane
a on sentiero càncaro che monta
in parte a na bina, bela e sconta,
pa' ndare in suso - e par lì i se scana -
int'on paese che xe ciamà Pognana.
Fortuna che, par far tirare el fià,
Tomaso, tut'on
trato, el s'a inventà
de ronpare de bruto la caena:
Bisognaria ca ghisi visto 'a sena...
Tuto
sistemà dal socorso ACI al seguito!
i ciapa sola
destra su pa' on calto
che on vecio
de Arlia dise sterato,
pendente assè,
e anca desgraziato.
Fortuna la xe sta, pa 'l montanaro,
chel'l ghea sbaglia del tuto, poro caro,
parché difati no 'l ghea gnan parlà
del fato che la strada xe ...scaldà!
A jera na candela, on tale caldo
che gnanca uno jera bon star saldo
in sela pì de uno, du tornanti:
el sole cusinava i ...sacripanti.
...a
tiro de Bottignana
Dopo sete chilometri de pene
a Renzo ga girà le madalene
e par tegnerse fresco, par incanto,
el s'a inventà de farse on bel'inpianto: