______________________________________   torna indrio

Piato unico

	Siè eti de subioti par quatro che magna; Spaghiti, xe instesso;
	1/2 zeola;
	4 spighi de ajo;
	1/2 bussoloto de polpa de pomodoro;
	1/2 goto de vin bianco seco Dal pessaro, procurarse:
	Du eti de canastrei (feghe cavàre el fileto moro !);
	Du calamari, no tanto grossi;
	Do bele sepe;
	Tri eti de ganbaruni o quatro de gànbari;
	Na diesena de bei peoci;
	Na sbrancà de Vongole;
	Oto scanpi intieri;

1. Sa podì, feve curare tuto dal pessaro, ma i peoci xe mejo ca li netè in casa, che xe pì  sicuro;

2. Metì sol fuogo na paela grande e fè on desfrito co ojo, meza zeola e quatro spighi de ajo (che dopo se cava);

3. Netare par primi i peoci e butarli sol desfrito; 

4. Dopo ver messo a purgare le vongole, butèle anca ele in paela, po’ tajare a strissete i calamari e le sepe e butarli in tecia, insieme co ganbaruni e canastrei;

5. Destacare la coa d’i scanpi, tajare el stomego par longo e butare tuto in tecia;

6. Assare ‘ndare ben el fuogo par calche minuto, po’ sbassarlo, zontarghe mezo bussoloto de polpa de pomodoro, mezo goteselo de vin bianco seco e on sculiarin  de aseo bon;

7. Se ve pare che serva assè, salare ala fine;

8. Cavàre e butare via, dopo verli strucà ben dal pocio, i stomeghi d’i scanpi;

9. In 15 - 20 minuti el conziero xe pronto;

10. Cavàre i subioti on fià al dente e butarli sola tecia, girandoli sol conziero par on minuto;

11. Se ve piase (a mi no...), infromajè pure, che nissuni se ofende e tocè el piato co del pan fresco, ma no stè magnare le caparele d’i peoci...