Pastassuta co i fasoi
  

   ______________________________________   torna indrio

          

Par quatro che magna

 

½ chilo de subioti (meze maneghe);

2 spighi de ajo;

oio stravergine de oliva;

na scudela de fasoi zà lessà;

on pugneto de parsìnbolo tridà ;  

 

         Se fa cussì:

  1. Farghe ciapare gusto al’oio co l’ajo.

  2. Cavare l’ajo e metarghe drento i fasoi co mezo cazoleto de la so aqua de cotura, assando bòjare fin che el liquido se ga sugà;

  3. Zontarghe el parsìnbolo;        

  4. Co sta roba condire la pasta (no desmentegheve de cusinarla…)      

VARIANTE pa' i amanti de l’ajo

Metare in teceta i fasoi co la so aqua, l’ojo, e l’ajo tridà fin, assando bòjare come prima, metendo ala fine el parsìnbolo.
El conziero vien pì bon, ma guai parlarghe ala morosa, dopo ver magnà !