torna indrio

On dì, on bel grejeto ghe ga dito
a on toro, moro e grosso come on monte:
“ finìssila, me croa zo el sofito
co te galopi co ‘e to zanpe onte !” 

Co tuto el so cri-cri, el poro inseto
el ghea on gran da fare e on bel dire
che, sia pur parlando co rispeto,
la bestia ‘ndesse a farse benedire; 

chel’animale gnanca lo scoltava
parché da l’alto d’i so siè quintali
chel moretin no lo preocupava. 

Dopo do ore el grejo ga capio:
mèjo tasere. Se chi te pesta i cali
xe grosso come on treno, torna indrio.

1984

proverbi in rima