torna indrio

Varda che zièlo, senti che bìgolo
de aria, smìncia fra ’e rame de l’ùpio…
On gardelin che canta fando el dùpio
co ’n merlo. El sole zerca on sbìngolo 

pozàndose so ’e fòje che trèmola
tacà al so pecólo; on zòcolo
smarzìo davanti ’a porta d’ on ròcolo,
delà de la fumara. Vedo el Gèmola... 

Me vardo torno, po’ sento prémare
sol cuore e tuto me fa tèmare
che angioliti, fromento e mèlega, 

che la fista, el merlo, la zélega
finìssa ch ’i va persi. Ma na cùbia 
de storli no lo sa e i tuga e i sùbia.

2009