torna indrio

El numaro parfeto, dise Dante
- autore, lo saì, dela “ Divina ” -
xe solo uno al mondo, sacripante:
el TRE. E staltri xe na gran ruina. 

Secondo ‘sto conceto la natura,
credendoghe a chel furbo e a ‘e so strofete,
ga stabilio che on can bisòn’ che’l dura
tre volte quel che dura di ‘e bachete… 

Fortuna che’l poeta no ga scrito,
in tuta la so soma papardela,
che’l bagolo d’i omani va frito 

a fuogo vivo, come na sardela.
Senò a ‘sto mondo, gnanca verlo dito,
la zìzola sarìa fata a paela!

1984

proverbi in rima