torna indrio

I veci, vedarì lezendo el resto,
i ga na gran sajeza – sienza rara –
e co do, tre parole in mete in sesto
i casi dela vita, e i magna, e i ara. 

Da ogni situazion, par quanto greve,
i porta casa mussa e cento lire:
“ Ghio tavare, bognuni, bruschi e freve?
Salute de buele a no finire! “ 

Inte ‘sta Italia lévra de doturi
a ghe mancava solo ‘sta sentenza
par farghe vegner su mile suùri; 

cussita i perde el posto, pore stele:
se i bruschi xe salute, abiè passienza,
cossa se dirà mai di’e maroèle?

1984

proverbi in rima