torna indrio

Capire ‘sto dialeto de zento ani fa
xe come ranpegarse so on specio ben lustrà,
parché, oramai, parlemo on misto de ‘talian,
de smarameo ingrese e de basso padovan. 

Quanto de sugo, e storia, ghe xe so ‘sta righeta;
ma, tradusemo: ago, va ben par guseleta
e rève, sa pensemo, altro no xe che’l filo
de quelo che costava calche palanca al chilo. 

Na volta, cari valtri, chi che no ghea sostanza
el se dovea ranciare par inpenire ‘a panza.
Bastava anca chel poco che ghe riussia vanzare 

conciando i calzaroti, savendose inzegnare.
Pensieri, i jera. E ‘desso?… A calchedun ghe toca
- par no pagar petrolio - spacare in tre na zoca.

1984

proverbi in rima