|
Come che se podarà capire
lezendo ste poche poesie trate fora dal so libro, Gino Meneghel - anca elo
dotore come Pier Giuseppe Cévese – el ga assà pèrdare la rima par
concentrarse so la sostanza. Poesie piene de malinconia, de crudeza, sa
volemo, ma anca de umanità.
Poesie che no assa spazio ala fantasia del letore, ma che al letore ghe
permete de vardarse drento, de farse on saco de domande, de riconossarse.
Gnanca dirlo che vale la pena de lèzare tuta la racolta.
A dire la verità vale la pena anca de lèzarne una sola de ste poesie:
Gelosia.
Siè parole par descrìvare on sentimento co tanta forza, co tanta violenza,
co tanta verità che te resti senza fià.
El libro xe stanpà da NUOVI SENTIERI EDITORE.
No verlo in biblioteca xe na ofesa,
anca se’l xe scrito doparando on dialeto no del tuto puro. Quelo che se
parla ogni dì el xe, da resto, on dialeto smissià de talian.
|
|
