torna indrio

Dopo ogni discussion, ala tivù,
i zinque, siè che xe sta lì a parlare
i mete sposto ‘e carte, i ciapa su
e i va, mi me figuro, a sganassare. 

A vien ciamà esperti de ogni sienza,
che tira in balo numari e fati
e a volte i ne strapaza la cossienza
disendo: “ Siete un po’ disinformati…” 

Noantri, co la nostra bona fede,
ca ghemo anca pagà l’abonamento,
a semo, penso, i unici che crede 

a tuto ‘sto popò de parlamento.
Ma ili xe contenti: e chi che vede
se tute le parole va col vento?

1984

proverbi in rima