torna indrio

La storia xe piena de zente
che, forse par gloria o, chissà,
par èssare mèjo de gnente
o pa’ on pochi de schei regalà, 

ga fato da servo e da spia,
corendo a scoltare de qua
par dopo scanparsene via
e ‘ndare a contarlo de là. 

‘Sta specie de omani, zente,
ga senpre valesto fa’ on zoco:
ga senpre servìo al potente 

par farghe le scarpe al pì oco.
La spia xe ‘l pì gran delinquente,
ma de solito ‘a dura anca poco.

1984

proverbi in rima