torna indrio

Tacà so na stanga, sol muro,
na tola movesta dal vento;
a scorla anca ‘l ciaro a carburo.
I ciama, i dise “ vien drento ! “ 

Na fiasca, on bocale, du goti:
l’è solo on disegno par tanti,
ma no par chel par de vecioti
che entra, cavandose i guanti.

Da quando che’l pomo xe tondo
el vin xe na gran conpagnia.
I veci de prima, là in fondo, 

i varda la fiasca inpenia;
ghe làgrema i oci: “ Che mondo,
tra poco la ghemo finìa…”

1984

proverbi in rima