torna indrio

Ogni tanto a vao verificare
se i veci de na volta, sol parlare,
no i ne volesse, col so proverbiare,
par caso, chissà mai, forsi, …ciavare. 

Parché, se ben vardemo, ‘ndare a dire
che on brodeto el dovaria riussire
pì bon che mai metendo a rebojire
galine vecie: ben, ‘ndemo a capire; 

xe vero che no serve, chi, spiegare
che’l brodo no ghe entra: i vol parlare
de quelo che a dovaria vardare
chi s’a deciso de ‘ndarse a sposare. 

Na dona de sperienza, a ben sentire,
i dise che la podaria servire
depì de na tosata, par riussire
a no averghe gnente da ridire. 

El sugo del discorso xe inparare
che la galina vecia serve a fare
el brodo par i veci; e, quindi, assare,
la zóvane pa’l galo. No ve pare?

1984

proverbi in rima