torna indrio

Co’ se vede, in mezo a l’orto,
on gran cao che cresse a vista,
pien de foje, longo e storto,
la te pare na conquista. 

E cressendo a buta i fiuri:
canpanei zalo balota.
Verde e zalo, che coluri,
e chel cao, come che’l trota! 

In tri dì nasse la zuca,
fruto stranbo, dolze e duro.
Se la note no i ti ‘o cuca
quanto bon saltà dol buro ! 

Vita grama soto al brolo
e ve digo mi parcossa:
ghe se secarà el pecolo
ala zuca, quela grossa.

Vita grama in tuto el mondo,
anca soto a zerte panze.
Pian pianelo el sior Giocondo
el revien, cofà ‘e naranze.

1984

proverbi in rima