torna indrio

‘Stavolta, la sajeza popolare
la ga deciso de ismissiarghe el brodo
a chi che va disendo de vanzare
e, inveze, i pianta pì de calche ciodo. 

Se sente spesso zente sberegare
in piaza, al bar, parfin davanti ‘a cesa
- po, no ve digo, in sala consiliare -,
che’l mondo va in malora e ‘a vita pesa; 

che tuto va canbià, e bisòn’ desfare,
che ili, sì, ch’i pole solevare
la situazion de tute le fameje… 

…Scoltemo pure tute ‘e maraveje
ch’i ne promete. Però, mi ve digo
che co chi’a zente lì no me n’intrigo!

1984

proverbi in rima