torna indrio

Do morosi,
boni tosi,
che i Çercava
un postesólo,
su pai monti
de Teólo,
par scambiarse,
povareti,
do baseti
e gnente più,
dopo avere
un fià discusso
su la strada
da ciapare,
i s’incontra
con un musso
che ‘l gaveva
for ‘n afare
longo, birbo, imborezà
che ‘l rivava
fin sul prà.

La tosata, meschinela,
che la jera verginela,
la ghe dise:
Toni e quelo
cossa xelo, cossa xelo?

Lù vegnando
tuto rosso co fa squasi
un pevarón:
Mi me pare,
‘l ghe risponde,
che ‘l sia un musso
belo e bon. 

Par incontra
la putela
che la jera verginela:
ma se un musso,
che xe un musso,
ga sto afare
che ghe vanza
dai cordoni de la panza,
la zigheva spasemà,
cossa mai sirà de ti,
ragioniere dipromà.