|
Me nessa la xe inçinta
e avanzadela,
ma fin dal primo mese che la porta
la xe piena de voje, meschinela,
ch’ogni dì la ghe ‘n cata una par sorta.
Desso
la vole ‘l pan coi fenoceti,
dopo la vole ‘l culo del capon,
un dì la va a formajo coi vermeti
e st’altro xe a parsuto col melon.
Porca
puttana, varda che mestiero!
E cogna incontentarla, suitamente,
se no, la dise, nassarà un puliero
sturpio, stralocio, mona e despossente.
Però da qualche zorno
la pretende
finchi, quajoti, fiste e faganei.
Sta voja, par me conto, la se intende
come ‘na voja desparà de osei.
|
|
