"  A me ricordo, su par Castelucio

     ( e testimoni ghe ne jera on mucio),

    de vere fato su co na volata

    la rocia Lelo, assandolo in pignata.

 

 

          Par quanto de fuga che'l  pedalesse

         e par quanto de oja che'l gh'indesse

          no gh'è sta verso, lo go fato seco

          e dopo l'è sta muto come on steco."

 

   

    Xe vero, proprio tuti te ga visto

    pentare e assare lì chel poro cristo,

    ma jera sta deciso de tasere

    e no de 'ndar de longo tute 'e sere!

 

 

          Ghe xe da dire, po', onestamente

          che contro Lelo ti no te può gnente...

          " Xe vero, el xe pì forte, l'è na rocia,

 

                             

    però in confronto a mi elo xe on bocia...

    massì, alora ...Lelo femo pace

    e de sta storia scancelemo 'e trace. "