" Che la  volata lì no jera in conto

   e chi che la ga vinta, muso onto,

   el jera in avantajo ala partenza;

   questo me dixe a mi la me cossienza.

 

                                                                                Tuti, però, me ga ridesto drio

          pensando che Leonardo sia finìo.

          Provè ciaparme, alora, int'ie salite:

          no le sarà, par tuti, che sconfite!      "

 

 

   Cussì parlava in sogno el bravo Lelo

   e intanto la fornara, poro elo,

   la sbragagnava ciope in fornaria

   inveze de tastarghe 'a bataria.

 

 

          "Fortuna che ghe xe 'nca la vendeta:

           goi perso sta volata maledeta?

           alora mi, par farvela pagare,

 

 

   prima ve mandarò tuti a cagare

   e po', par farla proprio ben conpia,

   a me la palpo mi, la bataria.  "