Lessinia 2007 - spegazzi sora on viajo curto, ma belo...6ciama aiuto...Casella di testo: Pi vanti el sterato se finisse e se presenta, ai oci del grupeto, on prà in dissesa, pien de piere fisse; dise Renzo: “No ’e va ciapà de pèto” e elo, de ste robe, se n’intende! Cussì, ‘ndando pianeto a zighe-zaghe, co Ciano che’l ghe mola do scresende, i ris-cia de ...molarla sole braghe. La fine del troduòlo xe na corte, e on casamento ben postà in costiera. Lì, la belezza; on fià pi indrio la morte che ’l bon Giuliano, rugolà par tera, el ga ris-cià schivando co la testa on bel pieron che, càncaro e buèlo, el s’à messo in mezo, inveze de far festa fin che par lì passava proprio elo. Na scarpa cheCasella di testo: Intanto Renzo, ‘nda in avanscoperta el cata on trozo che va via pa’l bosco: “Via par de qua, la strada la xe verta” el ciama, e tuti assa stare el chiosco. Zento metri dopo, ghe xe na stala e proprio par de lì passa el sentiero: del tuto incuercià - no ’a xe na bala - de pisso e merda, alta on metro intiero! Atenti, avisa el Mestro, a no sbrissare che qua ghe xe pericolo de morte; Ma no’l fa gnanca in tenpo de parlare che col piè destro ‘l ...monta sole torte. Morale: el se inpastrocia come on cicio e, insieme ala so scarpa, ’e bicicrete de staltri; par cavarse dal’inpicio i scanpa via da lì come saéte. El nùvolo va via assando el posto a on soleselo no' gnancora tosto, ma abastanza par mostrare in giro on mondo de montagne de butiro. On casamento, ben postà in costiera, l'è messo lì par farghe bela ziera a Renzo, tirà zo in fotografia, e anca al resto dela conpagnia.