Lessinia 2007 - spegazzi sora on viajo curto, ma belo...Polenta, saladofasuòie fromajoCasella di testo: Dise el segnale “Par Podestarìa” che, po’, no la xe altro che on posto dove che chi che vole para via la fame, ‘l fredo e altro a basso costo. Dato che ale tre ghe manca poco e che ‘l paron del luogo fa la lista, i nostri eroi se ferma lì on toco fin che’l fromajo fa tornare ‘a vista… Magnà, bevù e po’ saldà el conto, la trupa se vestisse da dissesa e la va in cacia de on sentiero, pronto a ‘ndare in basso e ...co poca spesa. Fati quatro chilometri da sbalo, la strada, che fin lì la jera rota, anticipà da on bel cartelo zalo la vien de sfalto. E ghe n’è ...na mota. Casella di testo: La xe ben larga, bela e in pi veloce, ma la va zo cussita tanto in pressa che i nostri bravi, bituà da boce a strade rote, a ghe se roessa le bale ‘ndando basso par la sfalto. Alora, el Mestro taca na frenada e po’, riunìi i soldadi in parte a on calto, el dise de canbiare sta menada; tuti xe d’acordo: ciapare a destra. on steratin che va in mezo al bosco… Pecà, che pena fata la menestra, ghe toca de mandare basso on rosco. Difati, dopo zinque, siè minuti el sentiereto riva so na piazza che mena ‘nantra volta - farabuti - so ‘a provinciale sfalto, sta robazza! I s'a butà sol piato de polenta co tanta fame, come ai ani trenta: se vede dale face stravanìe de ste do àneme desfigurìe.Chi'a malga là xe la Podestaria: i la ga vista on fià descolorìa parché, i quatro, ghea fame e fredo, che sa ghe penso oncora no ghe credo...5