Lessinia 2007 - spegazzi sora on viajo curto, ma belo...4Casella di testo: De cao del piazaleto, par le carte cognava ‘ndare su par na stradela che la passava justo par in parte a on condominio bruto, na capela! Par lì in zento metri el grupeto el s’a ciapà so ‘a sfalto che montava, co na salita dolze ‘fà on confeto, che anca lì, gnan Ciano tribolava. Dopo du, tri chilometri de briga, tacà a on incrocio co on bel sterato on segnalato - qua bison’ ca diga - el sentenziava “Mestro, ai sballiato”! Difati, par catarse col percorso ai quatro cavalieri senza macia, ghe ga tocà canbiare on fià ‘l discorso e ‘ndare suso par sta nuova tracia. Casella di testo: Che belo! Tera rota, ma gualiva che ranpegava su come na seda, senza che par nissuni la fadiga la fusse massa. Chi che vuole creda… Passà mez’ora tuta de sto passo, na crosareta piena de bandiere la mostra na stradela che va basso e on tròdolo in salita spaca-pere; sto qua ‘ndasea su sol Monte Tomba che’l jera sconto da na gran fumara: na situazion che capitava a bonba so ‘a fame del grupeto lì in crosara. Cussì, la decision del bon Giuliano, preocupà par l’ora tarda e anca par l’espression basota de Luciano, xe sta de ‘ndare zo par la man zanca. Fame e fredo fà 90Col susio che ghe jera, xe sta on sogno catare na malgheta che, al bisogno, la ga ospità i quatro pelegrini ingrutolìi cofà d'i polastrini...On tròdolo in salita spaca-pere, fumara so la veta che do guere le ghe ga dà el nome "Tomba": via, xe mejo 'ndare a la Podestaria!