Lessinia 2007 - spegazzi sora on viajo curto, ma belo...10le boazze !Co ale spale 'l grupo Monte Baldo l'amigo Ciano fuma 'fà on ossesso: epure i lo ghea mandà ...al caldo staltri conpagni. Elo? Fà instesso! A semo za a quota milessete e l'aria la xe tìvia. Le vachete le ga assà anca qua d'i ricorditi schivà co maestria dai nostri arditi. No fuma soloCasella di testo: A ciacolando co la montanara el grupo, intanto, el riva in boaria: na malga col loame fin so l’ara e on tratorin che spande porcaria. Par scondare la spuzza, dise elo, a Ciano ghe vien oja de fumare! No ghe ne frega gnente, sto buelo, de sassinarse i brunchi: “Va cagare”, ghe recita i compagni de ventura. Lì torno, po’, i oci se inpenisse de munti, vale e altro, che ’a natura la ghe regala a chi che la capisse! Fata na sosta e leta on’orazion scrita so ’n capitelo messo live, i quatro duri i ciapa l’ocasion par rivestirse e insacar le pive. Casella di testo: Ghe speta na stradela che la invita a ‘ndare suso in gropa ale bicicrete, e a pensare che la nostra vita la vale par ste robe benedete... La vale pa’l silenzio qua dessora, pa’ i prà, le vache e par i laghiti desparpajà in giro; e, oncora, la conta pa’ i sentieri, lunghi e driti e par la malghe, stale de montagna che dà laoro a tanta brava zente che, anca col chel poco ch’i guadagna, ghe piase stare qua. I ga inamente de far magnare ben le so vachete, de laorare el late ‘fà na volta, de assare zo le strade maledete... Ma, mi, par chi ca parlo? Chi che scolta?