29 agosto 2000. Le baruffe no fa marenda

...variante al piano regolatore.    3 voti a favore (Renato, Oscar e Luigino) co la motivazion che no vale la pena de 'ndare in zerca de grane; 4 voti contrari (Daniele, Renzo, Claudio e Leonardo) d'acordo che el pericolo xe el mio mestiero. L'ago dela balanza xe sta Claudio. Ma quando che Lelo, che'l ghea votà a scatola chiusa, ga sentio parlare del strapionbo, el volea canbiare voto parché elo, quando che'l  fasea l'alpin, no'l jera mai 'nda ale ferate par via dela scaga. No ve digo. Par chietare le aque Daniele ga apostrofà Luigino disendoghe che elo no ga voce in capitolo. Col risultato che el rajoniere ga fato la coega rossa - depì del solito - e, alontanandose ofeso dal'aula, coi oci el ga cavà do sarache int'el muso al'architeto, reo confesso de verghe mancà de rispeto. Mah! A ogni modo , Rajoniere - Architeto: 1 a 1.

La cresta e i strapiunbi dele Porraie: 1.800 m.

Drio la sfalto, el pensiero va a Suisin, dove che xe restà  Tomaso.

E dove che   Celio no'l ga  da savere de tuto sto sfalto: muci.

Scagarela infinita...

Xe sta ispirà dal posto anca chi che gà costruio, pena fora dala strada,

so on boscheto, on capitelo a S. Antonio, restaurà de recente. Co

la scusa del Santo padovan, i batistrada ga l'idea de fermarse par

fare na fotografia. La sosta ghe serve a Daniele par telefonare al

cantiere (?), a Oscar par darghe da bévare ale russe e a staltri par

magnare on pomo. Grazie, S. Antonio. Una prece.

La note ga portà consilio. El Mestro vien zo a ora de marenda co tute le cartine dela zona e co l'idea - nata in sogno - che forse xe mejo canbiare programa par via del buron. Le proteste d'i benpensanti ga fato tremolare le cìcare del te e i oci de Luigino e de Oscar xe tornà lucidi, ma solo par aprovare le racomandazion del Mestro. Sicome che'l sole magna le ore, calchedun convinze la giunta democratica  de métare ai voti la proposta de...

Finia la marenda e le barufe, convinto Lelo de seguire el resto dela banda, fate proviste e mandà on ringraziamento a chi de dovere par la bela jornata de sole, ale 9 e 35 el convoglio se mete in moto. Par rivare al'ataco del sentiero passà ai voti bisogna fare on viajo de trasferimento de sete Km. fin a Sillano, el paeseto pì a nord dela Garfagnana, quasi spruzà sol versante basso del Monte che porta el stesso nome. La strada xe quasi deserta e in pendenza da poco. Senza storia. E senza storia xe anca l'atraversamento del paese, dove che no ghe xe gnanca on strazo de banda a darghe el benvenuto ai nostri eroi. Da lì, a ogni modo, parte el giro che'l taca co la beleza de 17 Km de strada statale in continua salita, senza trafico, ma in salita e al sole. La strada xe quela che porta al Passo de Pierdarena da dove che se scavalca in Emilia Romagna, verso Reggio Emilia, ma no passa gnanca on can. L'ultimo el ghe baja al trenin de MTB dala corte de una dele ultime case del paese. A destra el bosco va su in alto, a sinistra na vale streta riporta l'ocio poco pì vanti venso nantro versante de monte che va su. Tuto salvadego e senza tracia de ànema viva né de case. Solo silenzio, pace  e Renzo che sua.