Casella di testo: De cao del paese, come da guida, i cata na deviazion che va su verso el monte. Ma par védarla, fin che Luigino se ofre de 'ndare vanti drio la sfalto par zercare sto sentiero, ghe vole la vista da falchetto de Renzo che, praticamente senza volere, el se ne incorze de on cartelo - girā in modo che no'l se veda - che indica "RIFUGIO DI MONTE TONDO". E su par lė. Le carte promete 5 Km. e la maraja spera ben. Sentiero largo, che va su in pendenza acetabile, ispezionā davanti da Lelo. Intanto el bosco, belo fito, el xe tuto de castagni, anca se questo no ga gnente da spartire col fato che Renzo, par la fadiga de restare in retroguardia, el sua come na gorna. El Mestro, incaricā de vardarse torno, el nota che ala destra del sentiero, dala parte che pende in basso, ghe xe na griglia alta e fornia de articolati sol dessora. El dubio atroce - e ghe ne vien messo a parte Daniele - xe el seguente: el convoglio xelo de qua o delā dela recinzion? Mejo no parlarne co Oscar e Luigino, che no i se despera.

Lecā marmelatine e sgagnā calche sbrancadela de megōle 'nergčtiche (mandole pelā, n.d.a.), i sete cavalieri dela pocalisse i se rimete in viajo, ala zerca del Monte Tondo o, mčjo, del rifujo del Monte Tondo...che du chilometri de fajeta pė vanti el xe indicā da on cartelo a tremila metri da lė, de cao de na deviazion. Qua el sentiero xe pė messo male, ma la decision de fare vela verso el rifujo - che no'l sarėa sta conpreso sol viajo - la xe irevocabile: i sarėa solo sič Km. depė, tri in salita e tri in dissesa. Dessora, dopo mile maraveje parché el bosco jera senpre pė belo, l'aria senpre pė fina e el sentiero senpre pė cāncaro, a on boto esato de orolojo se presenta i primi quatro; du minuti dopo riva Luigino rosso de vargogna e, non ultimi, Renzo e Oscar, tuti du de corvč sole retrovie. Ai 1.598 metri del rifujo l'aria xe frescheta e in pė la se sente mejo par via del gran suare fato par la salita. Saja decision, quindi, canbiarse tute le arte prima de fare marenda.

Che po' no'l sarėa sta on rifujo, che difati el jera sprangā e par

rifujarse a magnare i nostri eroi ga dovesto adatarse al'albio  -

belo grande, paraltro - destinā come bevaratoio par le vache. E sarā sta forse pa 'l fredo, o par l'efeto del'alta quota, o parché l'č elo cussė, fato sta che Daniele el ga tacā inprovisamente e senza preaviso a cavarse nudo, assando pindolare tre déa de pele ingrespā, par tuto el tenpo che'l s'a sugā el suore. Chi che jera drio magnare el panin - za indijesto de soo - el ga dovesto ingiutire el bocon senza mastegarlo; Luigino, forse spizengo de natura, fasendo on salto indrio par la sorpresa a mominti el cascava drento sol'albio; el Mestro, bituā a ben altro - come da resto Lelo e Claudio - el s'a spanzā da ridare ala vista dele fratalie; l'unico che no ga visto gnente parché inpegnā a contare i narabōtoli sola poza de aqua lė in parte, xe sta Renzo, insieme co Oscar che el so toco de spelaja el jera drio sgiozarlo poco pi in'ā, distante da oci indiscreti.
Casella di testo: El bosco de castagni, 'ndando pė in su, assa el posto a quelo de fajo, manco fito e forse pė belo. Chissā in autuno! Sicome che le ciacole no inpasta fritole, so on tornante che assa on fiā respirare, i battistrada decide de fare sosta-marenda, anca par spetare el drapelo assā de guardia pė indrio. El primo de quisti a rivare el xe Luigino che, gnanca farlo 'posta, pur disendo che el posto xe on spetacolo, el se lamenta che xe afa e che'l xe tuto suā. Leonardo, intanto, dopo vere spanto aqua, el se perde a fare fotografie e a bévare tuto quelo che'l ga in boracia.

El bosco de fajo
ON SENTIERO PAR LA MEMORIAMARAVEJE E VARGOGNE DE ALTA QUOTArifujo..?Dove xe ca me

Rif. Monte Tondo m. 1.598