torna indrio

Semo lìbari. Co la democrazia
a ghemo conquistà mile diriti:
a ‘ndemo tuti a scuola e in pizaria,
podemo recintarse co i paliti; 

a semo autorizà a girare el mondo
mostrando, ala frontiera, la patente
e po’, saemo in manco de on secondo
quel che sucede in ogni continente. 

Però, no ghe xe verso de canbiare
na roba che xe vecia come el cuco:
par stare ben bisogna comandare! 

Senò te fè la fine de chel cruco
in zerca de na s-ciona par tacare
el musso del paron. Capìsto el truco?

1984

proverbi in rima