torna indrio

El tenpo xe on canpion de galantomo:
el passa, pian pianelo, e ingoba l’omo.
Questo se sa da senpre, fin da quando
che’l Creatore ne ga messo al bando. 

No ghe ne xe speranza che’l ralenta
o che’l se ferma, opure che’l se inventa
de ‘ndare on fià pì forte: bruta taca !
Ma ghe xe anca el tenpo de Bernaca… 

Quelo te assa, almanco, da sperare
se’l zielo, ‘a sera, taca a rossignare.
Ma chi de sera, quando ‘l vede rosso, 

el dovarìa scanpare a pì no posso,
el xe chel desgrazià del toro, in Spagna,
che fin che elo spera staltri ‘o magna.

1984

proverbi in rima