Ovi ingrassà
                 

_________________________________________  torna indrio

          

Par quatro che magna

8 ovi
2 eti de ton soto oio
du sculieri de majonese
2 ciochi coti in tecia (v. riceta)
12 càpari
sale e pévaro

 
         Se fa cussì:

  1. Cusinare i ovi ch'i vegna sodi

  2. Farli rafredare in pressa e pelarli, po' tajarli a metà par longo

  3. Cavàrghe le balote, métarle so na terina e co na forcheta tridarle che le vegna na pasta

  4. So on piato fare la stessa roba col ton (se pole passarlo anca sol tritatuto, che'l vien pi mòrbio) e co i ciochi

  5. Butare tuta sta roba so la terina insieme co i ovi, zontarghe la majonese e fare on bel paston, justando de sale e pévaro

  6. Inpenire i mezi ovi vodi co sto paston e metarghe dessora i càpari pestà

  7. 4 mezi ovi cussì a testa i xe on bel bocon, da magnare co olive e altre verdure soto oio