-
Tajare la pora bestia a tochi, no tanto grossi, e mètarli
so na pignata co arquante foje de oraro (alloro) e
salvia, carote tajà a tochiti, sèlino, ajo a tochiti, erbete seche
varie (on bel pìzego) e na bela zeola a fete grosse
-
Tacare
el fogo e fare bòjare par almanco on quarto de ora in modo che vaga
persa l'aqua che mola la carne;
-
Cavare la carne, sgiozzarla e lavarla, po salare
on fià a uno a uno i tochi;
-
Tridàre
meza zeola, l'ajo, on ciufo de osmarin e arquante foje de salvia;
-
Sol
fondo de 'nantra pignata, destirare dele fete de panzeta, po' pozarghe
i tochi de carne e - a strati - spolvarare col trito pena
fato; po' oncora carne e trito, fin che finisse tuto; dessora de
tuto se mete on eto de buro e on dado;
-
Cusinare
a fogo lento par almanco on'ora e meza, po' stuare el fogo e assare
che se rafreda;
-
El
dì dopo, cavàre la carne e butare via tuto el resto, rimétare in
pignata zontare on goto de vin moro bon, mezo goto de oio e mezo
bussoloto de pomodoro, po' cusinare par 'nantra ora e meza;
-
Cusinare a lento, tegnendo de ocio la carne che no la
ve se desfa
(smissiare el manco possibile).
-
La so morte xe
magnarlo co na polentina tenareta, messa par prima sol piato e inquercià co la carne e col
tocio. Va benon anca la polenta infasolà (so la fotografia...);
-
Bevì quel ca volì, basta che'l sia
moro e bon!
|
|
