'Ndemo ala guera
col s-ciopo par tera,
col s-ciopo ala man,
bim, bum, bam.

Molo la cagna
par tuta la canpagna,
chi che la cata la magna.
Scalda i risi,
scalda i bisi,
li gheto scaldà?
Ciapa on pugno
va via da qua

PAN BISCOTO

Uno, du, tri, quatro,                     
zinque, siè, sete, oto
mortadela e pan biscoto,                     
go sentìo che’l xe tanto bon                     
an, ghin, gon.

PIE' PEZON

Piè pezon dal bareton                     
Dala janda beveranda                     
Dala stopa Clementina                     
Jijarina scondi on piè.

POMO PERO

Pomo, pero,                      
dime el vero                     
dime la santa verità,                     
quala xela? Ecola qua.

RISI BISI

Risi bisi mustacei                     
Tuti quanti xe porzei                     
Fora che mi,                     
fora che ti                     
an plan                     
fiol d’on can                     
fiol d’on beco                     
muori seco.

SOTO EL PONTE

Soto el ponte                     
ghe xe tre conte,                     
passa el cavalo                     
e me le ronpe,                     
passa po’ el fante e ‘l re,                     
me le ronpe tute tre.                     
Una, do, tre,                     
fante, cavalo, re.

SOTO EL PONTE DE ANGUILARA

Soto al ponte de Anguilara   
ghe xe na vecia co la manara    
che la taja tuto el dì,  
a, bi, ci, di.

SOTO EL PONTE DE VERONA

Soto al ponte de Verona                     
Ghe xe na vecia scorezona                     
Che scoreza tuto el di                     
Toca proprio a ti

SOTO LA CAPA

Soto la capa del camin                     
Ghe jera on vecio contadin                     
Che sonava la chitara                     
Uno, do, tre sbara.

TEGNA ROGNA

Tegna, tegna, rogna                     
Chi che la ga                     
Che’l se vergogna;                     
fora che mi,                     
fora che ti,                     
te la ghe proprio ti.